第二日天氣都係好凍呢, 12度仲要落雨, 我地唯有著兩件短袖衫再加件外套啦, 但係都係凍呢...今日行程係先去原宿, (原來行程係會買one day巴士pass, 但係因為後來訂到宮騎駿博物館d飛, 所以行程更改左呢), 我地9點出發搭JR到原宿, 一出站右手邊就係神宮橋, 再行入d就係代代木公園同明治神宮, 我地當然影番張相先走啦.
 原宿車站 |  明治神宮指示牌 |
 神宮橋 |  明治神宮入口 |
 Snoopy Town 執左笠 |  泊低架車行下街先 |
之後去行竹下通, 諗住睇下有無長袖衫, 整番件無咁凍呢...點知全部都已經賣緊短袖衫, 只可以頂硬上啦. 行行下入左Kiddy Land睇玩具, 呢度d玩具真係好搞鬼呢, 最抵死係門口的USB攪野狗, 仲有BB公仔Mix and Match, 睇下d相你就會明白, 真係好攪鬼呢. 當然傳統的叮噹, 龍貓, 高達同Hello Kitty呢度實有啦.
行到差不多一點我地就向下一個行程吉祥寺進發, 因為呢度有間好出名, 經濟又好食o既Steak House - Satou, 呢度食中午飯有d餐過好正架, 間舖其實好細, 坐20個人左右. 我地就叫左一個1260yen同2100yen的套餐睇下有幾好食, 睇下d相先啦. 真係吾講笑, 真係一分錢一分貨, 不過吾係代表平野吾好食, 只係代表貴野真係好味d咁解姐. 不過吾食生牛肉的最好叫佢煮熟d, 因為你睇相都知d牛肉都係5到6成熟, 但係你試過就知, 仲好味過我地上次去食和牛火鍋個d牛, 燒牛果然係另一種風味, 可以打包的話我一定帶返黎澳門比你地試下.
 Satou Steak House |  1260套餐 |
 2100套餐 |  |
 門口 |  Lunch Menu |
食飽中午飯, 我地行左一陣商場, 行Loft的時候發現一樣好神奇的東東, 好似膠布咁用黎黏住個口周圍, 用左之後話可以無鼻塞喎, 所以我都買左包試下, 不過我試過之後就覺得吾work呢. 行到3點半, 我地開始向宮騎駿博物館進發, 途中經過一個井之頭公園, 都幾大架, d樹又多, 週圍d空氣都清新d呀, 不過差不多行左半個鐘先到宮騎駿博物館, 好似無d書講咁近呢.
不過時間o岩o岩好, 我地係訂左4點d入場卷, 排一陣隊就入到場, 最可惜係場內好多地方吾準影相, 入面有好多介紹動畫製作過程, 又有手稿同劇本, 拍一套動劃真係吾易架. 最重要當然係上去天台同天空之城隻機械人影相啦, 行左一輪之後就去睇左一套20分鐘o既動畫, 主角係一隻狗仔迷路同一日o既歷險旅程, 都幾好睇架, 我仲幾得隻狗叫 "Call羅"添. 玩左差不多2個鐘已經差不多6點了, 買完野就坐貓巴士去JR三鷹站, 搭車出去新宿食飯.
今日晚餐係再去食蟹道樂, 今次叫左一個4800同6800套餐, 同上次有少少吾同, 因為上次叫得太多, 實在飽到上心口, 今次叫少d就o岩o岩好. d蟹同舊年一樣咁正, 但係上年個中國留學生partime已經吾見左呢, 只好自已拍自己啦. 食飽之後我地走左去搭巴士, 上次去東京時用pass搭個一次, 今次無買pass所以要入錢, 呢度d巴士真係好呢, 有自動找贖架呢, 真方便, 我地搭池86返池袋總站, 比起搭JR行少好多路呢. 返到池袋當然要做指定動作, 買定第二日早餐啦!
所以我即刻搵腳啦... (事關之前有幾個豬朋狗友提議, 趁住5月12日有假期返大陸玩3日) 但係佢地又吾可以請多一日假喎, 咁唯有我同Brenda二人世界啦. 之後我地即刻check澳門個代理, 原來係一間細間o既旅行社叫澳門青旅, 都吾係好明佢地點會攞到澳門個代理.
機場準備出發
咁快到左台場?? 梗係吾係啦!
入閘前
飛機雜誌中的熟悉面孔
Cheap Cheap 車飛
入閘啦!
打電話返屋企先
車入面見到胡錦濤主席...張廣告
車箱情況
Day 2 的早餐
原宿車站
明治神宮指示牌
神宮橋
明治神宮入口
Snoopy Town 執左笠
泊低架車行下街先
Satou Steak House
1260套餐
2100套餐
門口
Lunch Menu
