最後一日啦, 都係有雨落, 呢日行程好free下, 原本諗住行下東京站個丸之內, 不過感覺好商業大廈feel, 同埋出面又落得幾大雨, 結果行左一陣我地就去左銀座再行過. 去到銀座都係有雨, 所以又係無乜影相呢. 行到1點咁上下, 我地就諗住再去蟹道樂銀座店食佢個特價午餐, 可惜無帶地圖之下搵黎搵去都搵吾到...所以最後返左去池袋去左一間我地日日都經過o既星星主題餐廳Milky Way, 呢間環境吾錯呢, 係二樓度有落地玻璃可以望落去樓下d人行黎行去, 野食都ok, 分量就適合女仔多d, 同埋佢仲有十二星座(應該變左十三星座至真)甜品添.
食飽我地就返酒店執埋d行李, 跟住拿過去Sun Shine City個機場巴士counter放低d行李, 最後衝刺周圍"貢", 到左17:20我地就搭最後一班機場巴士出發去機場, 話咁快我地18:30就到左機場, 當時個display都未有寫有得check in, 後來先發覺viva個check in counter原來好鬼鼠, 去到左手面最尾個度, 就係咁樣check in左, 入閘-買手信-食飯-上機, 話咁快21:30起飛, 返到黎澳門零晨一點幾, 拿拿林訓覺, 因為第二日又要返工呢...
