第三日我地準備先去Disney Sea, 因為天氣報告話呢日會有陽光呢, 咁當然要去玩機動遊戲啦. 可能因為係星期一, 我地出發時9:30左右, 街上面都係西裝友同OL, 我地呢日搭Metro去到新木場轉車去舞滨, (因為d網友話比係東京站轉車會行少d), 去到搭Disney車再買埋飛已經差不多11點呢, 所以我地就開始迪士尼神奇之旅! 吾洗講你都估到, 呢日都係凍呢, 好多日本人仲買左大毛巾黎保暖添.
玩到咁上下, 開始有d肚餓, 所以我地就先出Disney去行下Garden Walk Outlet同埋去食飯先, 呢餐中午飯我地去左一間好普通o既豬扒飯, 味道只是一般, 所以無影到相呢, 食飽就先去行下Outlet, 雖然5月吾係減價月, 但係Nike度d衫都一樣有得平, 最緊要係佢有長袖衫賣呢, 所以我地都買番件吾洗咁凍. 同上次去東京一樣, 竟然係我仲買野多過Brenda喎. (個Outlet原本應該叫Garden Walk, 但係見佢門口個招牌又吾係寫Garden Walk喎, 吾通改左名)
Shopping完畢我地就再返去Disney Sea玩埋其餘d機動遊戲, 其中要講下個Tower of Terror, 初初排隊時都無留意, 我仲以為係d玩視覺效果o既Game, 點知玩玩下先知係跳樓機, 如果講驚嚇程度, 佢都算激架, 因為佢升上去個時都係一部升降機入面, 睇吾到外面o既野, 到頂時就會開隻大門比你望到出面, 之後就會dumb一聲開始跳樓機之旅, 真係超激呀! 但係因為當時天色已經比較暗, 又大風又凍, 所以我地無係呢度影相lu, 玩多一陣我地就去買野, 因為有好多25週年主題產品, 所以呢度我地都買到出左血呢.
玩左成日, 呢個時候又係食飯時候呢, 我地今晚會去新宿西口食吉列豬扒飯, 舊年都有黎呢間, 因為太好味呢, 所以一定要再食, 上次因為無帶相機, 今次補番d相比你地睇下啦. 我地搭完車到新宿就即刻去搵, 但係因為新宿西口都好大, 我地都要搵左一陣, 去到都已經9點呢, 好彩吾洗一陣就有位坐. 呢個豬扒飯有乜特別? 睇下佢個芝麻醬汁已經夠特別啦, 要自己磨架, d椰菜醬汁又好味, 豬扒更加吾洗講, 同和幸比真係不相伯仲呢.
為左方便大家搵, 咁你地要留意呢張相入面個紅箭咀啦, (吾係個女仔喎), 箭咀指住個間就係呢, 向住西口的士站行就ok呢!
