不經不覺到左第4日, 今日個行程係先去台場, 可惜天色都係灰灰地仲有毛毛雨, 所以吾係影左好多相呢. 今次去台場我地無買到oneday pass, 因為我地吾會好似上次咁搭咁多轉, 所以我地會去搭免費巴士玩轉台場. 去到台場第一時間當然係去Muscle Park玩啦, 今次玩左Number Battle, Flash Circle同埋一個雙人射波game. Number Battle 吾洗我講啦, 你地睇片都知邊個快啦. 玩完我地就去左和幸食豬扒飯, 因為落雨所以今次就無坐出面, 不過坐室內一樣咁舒服, 我地都係叫左2個set lunch, 最正當然係芝士豬扒啦.
食完中午我地行左去Aqua City, 跟住就去富士電視台下面個巴士站等車, 等車期間見到一大班中學生去參觀電視台, 佢地多數都係著件長袖衫ja, 見到都覺得凍... 搭巴士好快就去到Venus Fort, 之後行左一輪, 因為吾係星期六日關係, 台場都吾係好多人行. 行到差不多5點我地就搭電車返汐留, 再由汐留坐巴士去涉谷, 30分鐘左右到涉谷總站, 途中都好眼訓, 到站時仲有個日本仔訓著左要司機去叫醒佢先落車添.
行左2個鐘度已經7點, 呢個時候Brenda又想返池袋行下西武先, 咁我地由向池袋進發啦. 行多一陣就已經8點幾, 所以我地返酒店放低d野就出去食飯lu, 呢晚我地行左酒店周圍d舖睇左一輪, 都吾知食乜好, 結果都係去左松屋, 其實佢d野食都幾好食架呢, 而且仲好抵食添.
