第一日行程主要都係搭飛機, Viva呢班包機由澳門飛日本東京14:30出發, 因為Viva係有劃位的, 所以我地12點就出機場, 諗住劃個靚位, 到達機場已經有一兩個人排緊隊, 咁當然咁早去到, 個位就梗係OK啦. 第一次坐Viva, 個感覺都好過坐Air Asia, 可能因為佢有得劃位啦. 座位OK, 冷氣有點大, 但因為係平價航空, 所有野都要收費第, 包括毛毯要40, 汽水20等等, 飛機餐都有得賣. 不過我地Check in之後已經食左M記, 所以飛機度無買野食lu...
 機場準備出發 |  咁快到左台場?? 梗係吾係啦! |
 入閘前 |  飛機雜誌中的熟悉面孔 |
經過4小時左右, 當地時間19:30到達東京, 踏出機倉第一個感覺係...好凍呀! 因為當時溫度只係14度, 但係我地只有短袖衫同一件外套, 估吾到會咁凍呢. 落機之後去海關都行左差不多5分鐘先到櫃台, 今年仲要打手指模添, 不過只係兩隻食指姐, 而且好彩當日排隊的人不多, 前面只有同機的一個人, 所以用左5分鐘左右就過關了, 結果拿了行李到B1搭車時都未夠8點, 所以今次都係無機會用到NEX+Suica個優惠, 所以走左去搭最平的京成電車, 每人1160yen, 當然要係日暮里轉車啦.
 Cheap Cheap 車飛 |  入閘啦! |
 打電話返屋企先 |  車入面見到胡錦濤主席...張廣告 |
 車箱情況 |  Day 2 的早餐 |
搭車搭左個半鐘左右終於去到池袋, 已經開始有點肚餓了, 當時仲落緊雨添, 好彩我地已經準備好雨衣, 向住今次間酒店池袋劇場出發! 點知我地原來去錯左個出口, 要行多左一陣10點先到酒店, Check in之後第一時間係去Laswson, 吾係食野喎, 係要去換宮騎駿博物館入場卷, 因為我地之前係網上訂左入場卷, 要係11點前去Lawson比錢換飛呢.換完飛就當然買定聽日d早餐啦, 跟住就去左酒店附近o既松屋食飯, 簡簡單單完成左第一日行程了!
機場準備出發
咁快到左台場?? 梗係吾係啦!
入閘前
飛機雜誌中的熟悉面孔
Cheap Cheap 車飛
入閘啦!
打電話返屋企先
車入面見到胡錦濤主席...張廣告
車箱情況
Day 2 的早餐